ހަބަރު
18 ވަނަ އޭޝިއަން ފެޑެރޭޝަން އޮފް ސްޕޯޓްސް މެޑިސިން ކޮންގްރެސްގައި މިނިސްޓަރ ރާފިޢު ބައިވެރިވެވަޑައިގެންފި
29 އޭޕްރީލު 2024
ޑިޕާޓްމެންޓު:
18 ވަނަ އޭޝިއަން ފެޑެރޭޝަން އޮފް ސްޕޯޓްސް މެޑިސިން ކޮންގްރެސް އަދި 8 ވަނަ އައި.އެސް.އެން އިންޓަރނޭޝަނަލް ސްޕޯޓްސް މެޑިސިން އެންޑް ސްޕޯޓްސް ސައިންސް ކޮންފަރެންސްގައި މިނިސްޓަރ އޮފް ސްޕޯޓްސް، ފިޓްނަސް އެންޑް ރެކްރިއޭޝަން ޢަބްދުﷲ ރާފިޢު ބައިވެރިވެވަޑައިގެންފިއެވެ.
މި ކޮންގްރެސް ކުރިޔަށް ގެންގޮސްފައިވަނީ މި އޭޕްރިލް މަހުގެ 26 އިން 28 ގެ ނިޔަލަށް މެލޭޝިއާގައެވެ.
ތިން ދުވަހުގެ މުއްދަތަކަށް ކުރިޔަށްގެންދިޔަ މި ކޮންގްރެސް ރަސްމީކޮށް ހުޅުއްވައިދެއްވީ މެލޭޝިއާގެ ބޮޑުވަޒީރުގެ އަނބިކަނބަލުން އަދި ފަސްޓް ލޭޑީ ޑރ. ވަން އަޒިޒަހް ވަން އިސްމާއިލް އެވެ.
Minister Abdulla Rafiu took part in the 18th Asian Federation of Sports Medicine Congress (AFSM), offering insights into the long-term development and strategic planning of sports in the Maldives.
— Ministry of Sports, Fitness and Recreation (@MoSFR_mv) April 29, 2024
Approximately 500 delegates from across Asia gathered in two-day conference. pic.twitter.com/ODHMHEJIrj
މި ކޮންގްރެސްގައި މިނިސްޓަރ ރާފިޢު ވަނީ ރާއްޖޭގެ "ލޯންގް ޓާރމް ޑިވެލޮޕްމަންޓް އެންޑް ސްޓްރެޓެޖިކް ޕްލޭނިން އޮފް ސްޕޯޓްސް" އާ ގުޅޭގޮތުން ތަފްސީލީ ޕްރެޒެންޓޭޝަނެއް ކޮންގްރެސްގައި ހުށަހަޅުއްވައިދެއްވާފައެވެ.
މި ކޮންގްރެސްގެ ތެރެއިން މިނިސްޓަރ ރާފިޢު ވަނީ މެލޭޝިއާގެ ބޮޑުވަޒީރުގެ އަނބިކަނބަލުން އަދި ފަސްޓް ލޭޑީ ޑރ. ވަން އަޒިޒަހް ވަން އިސްމާއިލް އަދި މިނިސްޓަރ އޮފް ޔޫތު އެންޑް ސްޕޯޓްސް ހަންނާހް ޔެއޯ އާ ބައްދަލުކުރައްވާ، ރާއްޖޭގެ ކުޅިވަރު އިތުރަށް ކުރިއެރުވުމަށް ކުރެވިދާނެ ކަންތައްތަކާއި ގުޅޭގޮތުން މަޝްވަރާ ކުރައްވާފައެވެ. އެގޮތުން ރާއްޖޭގެ ކުޅިވަރު ކުރިއެރުވުމަށް މެލޭޝިއާ އާއި ދިވެހިރާއްޖެ އާ ދެމެދު އެމް.އޯ.ޔޫ އެއްގައި ވަރަށް އަވަހަށް ސޮއިކުރައްވާނެއެވެ.