ނައިންޓީ ޕްލަސް ގޯލްޑް ކަޕްގެ ފައިނަލް މެޗު، ކުޅިވަރާއި ހަށިހެޔޮކަމާ ބެހޭ ވަޒީރު ބައްލަވާލައްވައިފި އެވެ.

ރާއްޖޭގެ ހުރިހާ ރަށަކަށް ހުޅުވާލައިގެން ކުރިއަށްގެންދިޔަ ނައިންޓީ ޕްލަސް ގޯލްޑްކަޕްގެ ފައިނަލް މެޗުގައި ވާދަކުރީ އައްޑޫ ސިޓީ އާއި ބ. އޭދަފުއްޓެވެ. މި މެޗު ޝަރަފްވެރިކޮށްދެއްވީ ދިވެހިރާއްޖޭގެ ޢިއްޒަތްތެރި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެވެ.

ރައީސުލްޖުމްހޫރިއްޔާގެ އިތުރުން އެކި ވުޒާރާތަކުގެ ވަޒީރުންނާއި، ސަރުކާރުގެ އިސްވެރިންނާއި، ރައްޔިތުންގެ މަޖިލީހުގެ މެންބަރުންވެސް މި މެޗު ބައްލަވާލެއްވުމަށް ދަނޑަށް ވަޑައިގެންނެވި އެވެ.

2-0 އިން އައްޑޫ ސިޓީ ބަލިކޮށް އޭދަފުށިން ޗެމްޕިއަންކަން ހޯދި މެޗަށްފަހު މުބާރާތުގެ އިނާމް ދިނުމުގެ ރަސްމިއްޔާތުވެސް އޮތެވެ. މި ރަސްމިއްޔާތުގައި ޗެމްޕިއަން ޓީމަށް ޓްރޮފީ ހަވާލްކޮށްދެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެވެ.

މުބާރާތުގެ އެކި ވަނަތަކަށް ހޮވުނު ކުޅުންތެރިންނަށް އިނާމް ހަވާލްކޮށްދެއްވީ ކުޅިވަރު ވަޒީރު ޢަބްދުﷲ ރާފިޢު އެވެ.