ހަބަރު
ޔޫއޭއީގެ އައު ސަފީރާ މިނިސްޓަރ ރާފިޢު ބައްދަލުކުރައްވައިފި
04 ޖުލައި 2024
ޑިޕާޓްމެންޓު:
ޔޫއޭއީއިން ދިވެހިރާއްޖެއަށް ކަނޑައެޅުއްވި އައު ސަފީރު ޝެއިޚް ރަހްމާން ބިން އަބްދުލް ރަހްމާން ބިން ރަހްމާ އަލް ޝަމްސީ އާ ކުޅިވަރާއި ހަށިހެޔޮކަމާ ބެހޭ ވަޒީރު އަބްދުﷲ ރާފިޢު ބައްދަލުކުރައްވައިފި އެވެ.
މި ބައްދަލުކުރެއްވުމުގައި ދެ ގައުމުގެ ދެމެދުގައި އޮތް ގުޅުން ވަރުގަދަކޮށް، ކުޅިވަރުގެ އެކި ކަންކަމުގައި ޔޫއޭއީ އިން ރާއްޖެއަށް އެހީވެދިނުމާ ގުޅޭގޮތުން މަޝްވަރާކުރެވުނެވެ. މިގޮތުން ކުޅުންތެރިން ތަމްރީންކުރުމާއި، ކުޅިވަރުގެ ޓެކްނިކަލް ދާއިރާތަކުން މީހުން ބިނާކުރުމަށް ދެ ގައުމުން ގުޅިގެން މަސައްކަތްކުރުމަށްވެސް މަޝްވަރާކުރެވުނެވެ.
Today, Minister Abdulla Rafiu met with H.E. Sheikh Rahma Bin Abdul Rahman Bin Rahma Al Shamsi, the Ambassador of the United Arab Emirates to the Republic of the Maldives.
— Ministry of Sports, Fitness and Recreation (@MoSFR_mv) July 4, 2024
In this meeting, they discussed the areas of collaboration between the 2 countries in developing the sports. pic.twitter.com/yfYnTjvc7P
މީގެ އިތުރުން ކުޅިވަރުގެ ވަސީލަތްތައް ރާއްޖޭގައި ބިނާކުރުމަށްވެސް ޔޫއޭއީއަށް އެހީވެވިދާނެ ގޮތްތަކާ ގުޅޭގޮތުން މިނިސްޓަރ ރާފިޢު އާއި ޔޫއޭއީގެ ސަފީރުވަނީ ހިޔާލު ބަދަލުކުރައްވާފަ އެވެ.
ޔޫއޭއީގެ ސަފީރު ވަނީ ޒަމާނުއްސުރެ ދެ ގައުމުގެ ދެމެދުގައި އޮތް ހާއްސަ ގުޅުން ފާހަގަކުރައްވާ، ކުޅިވަރުގެ ދާއިރާއިންވެސް ވަރުގަދަ ގުޅުމެއް ގާއިމްކުރެއްވުމަކީ އަމާޒެއްކަމަށް ވިދާޅުވެފަ އެވެ.