ވީއޭއެމް ކަޕްގެ އަންހެން ޑިވިޝަންގެ ފައިނަލް މެޗު، ކޮމިޝަނަރ އޮފް ސްޕޯޓްސް މުޙައްމަދު ތޮލާލް ޝަރަފްވެރިކޮށްދެއްވައިފި އެވެ.

ޒުވާނުންގެ މަރުކަޒުގެ އެތެރޭ ކޯޓުގައި ކުރިއަށްދިޔަ ފައިނަލް މެޗުގައި ވާދަކުރީ ކުލަބު ވެމްކޯ އާއި ޕޮލިސް ކުލަބެވެ. މި މެޗު 3-1 ސެޓުން ކާމިޔާބުކުރީ ވެމްކޯ އެވެ. މިއީ ވެމްކޯ އިން މި މުބާރާތް ޖެހިޖެހިގެން ކާމިޔާބުކުރި ހަތަރުވަނަ ފަހަރެވެ.

ފައިނަލް މެޗުގެ މޮޅު ކުޅުންތެރިޔާގެ މަގާމާއި، މުބާރާތުގެ ޗެމްޕިއަންކަން ހޯދި ވެމްކޯ ޓީމަށް އިނާމް ހަވާލްކޮށްދެއްވީ ކޮމިޝަނަރ އޮފް ސްޕޯޓްސް އެވެ.