ތައިލެންޑްގައި މިދިޔަ ހަފްތާގައި ކުރިއަށްދިޔަ ހުއަ ހިން ސިކްއެސް ކްރިކެޓް މުބާރާތުން ވަނަ ހޯދި ރާއްޖޭގެ ކްރިކެޓް ވެޓްރަންސް ޓީމަށް ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު މަރުޙަބާ ދަންނަވައިފި އެވެ.

ގައުމީ ވެޓްރަންސް ޓީމުގެ ކުޅުންތެރިންނަށް ވެލާނާ އިންޓަނޭޝަނަލް އެއާޕޯޓުން މަރުޙަބާ ދެންނެވީ މިނިސްޓަރ ޢަބްދުﷲ ރާފިޢު އާއި ރާއްޖޭގެ ކްރިކެޓް ބޯޑުގެ އިސްވެރިންނެވެ.

ތައިލެންޑްގައި ކުރިއަށްދިޔަ ހުއަ ހިން ސިކްއެސް ކްރިކެޓް މުބާރާތުގެ ސުޕަ ވެޓްރަންސް ކެޓަގަރީ އިން ރާއްޖޭގެ ވެޓްރަންސް ޓީމް އެއްވަނަ ހޯދިއިރު، މުބާރާތުގެ މާސްޓާސް ކެޓަގަރީ އިން ވަނީ ދެވަނަ ހޯދާފަ އެވެ.

ކްރިކެޓް ވެޓްރަންސް ޓީމްގައި ގައުމީ ޓީމަށް ކުރިން ކުޅެފައިވާ މަޝްހޫރު ކުޅުންތެރިން ހިމެނެ އެވެ. އޭގެ ތެރޭގައި ކުރީގެ ކެޕްޓަނުންނާއި ކޯޗުން ހިމެނެ އެވެ.