ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު، ޝޫޓިން އެސޯސިއޭޝަން އޮފް މޯލްޑިވްސްގެ އިސްވެރިންނާ ބައްދަލުކުރައްވައިފި އެވެ. 

ކުޅިވަރު ވުޒާރާގެ ސްޓޭޓް މިނިސްޓަރ މުޙައްމަދު ރިޔާޟް އާއި ޑެޕިއުޓީ މިނިސްޓަރ އަހުމަދު އާސިމްވެސް ބައިވެރިވެވަޑައިގެންނެވި، މި ބައްދަލުވުމުގައި ޝޫޓިން އެސޯސިއޭޝަނުން ވަނީ އެ އެސޯސިއޭޝަނަށް މިހާރު ދިމާވެފައިވާ މައިގަނޑު ދަތިތައް ވަޒީރު ރާފިޢުއާ ހިއްސާކުރައްވާފަ އެވެ.

ޒަމާނުއްސުރެ ޝޫޓިން އެސޯސިއޭޝަނަށް ދިމާވެފައިވާ ޖާގައިގެ ދަތިތަކަމުގެ މައްސަލައަށް ދާއިމީ ހައްލެއް ހޯދުމާ ގުޅޭގޮތުން މި ބައްދަލުވުމުގައި މަޝްވަރާކުރެވުނެވެ. މިގޮތުން ޝޫޓިން އަށް ހާއްސަކޮށް ރަނގަޅު، އެކަށޭނަ ތަނެއް ކަނޑައަޅައި، ތަރައްޤީކުރުމާ ގުޅޭގޮތުން މަޝްވަރާކުރެވުނެވެ. 

މީގެ އިތުރުން ޝޫޓިން ޤައުމީ ޓީމްތައް ތަމްރީންވުމަށް ދިމާވެފައިވާ ގޮންޖެހުންތަކާއި، މި ކުޅިވަރަށް ބޭނުންކުރާ އާލާތްތައް ހޯދުމާ ގުޅޭގޮތުންވެސް މި ބައްދަލުވުމުގައި ވަނީ މަޝްވަރާކުރެވިފަ އެވެ.