ސާދަ ވަނަ ސައުތު އޭޝިއަން ބޮޑީބިލްޑިންގ އެންޑް ފިޒީކް ސްޕޯޓްސް ޗެމްޕިއަންޝިޕް ފެށުމުގެ ރަސްމިއްޔާތު މިނިސްޓަރ އޮފް ސްޕޯޓްސް، ފިޓްނަސް އެންޑް ރެކްރިއޭޝަން ޢަބްދުﷲ ރާފިޢު ޝަރަފްވެރިކޮށްދެއްވައިފިއެވެ.

މި މުބާރާތް ކުރިޔަށްދާނީ ޖޫން މަހުގެ 6 އިން 10 ގެ ނިޔަލަށް މާލޭ ސިޓީގައެވެ.

މުބާރާތް ހުޅުވުމުގެ ރަސްމިިއްޔާތުގައި މިނިސްޓަރ ޢަބްދުﷲ ރާފިޢުގެ އަދި ކޮމިޝަނަރ އޮފް ސްޕޯޓްސް މުޙައްމަދު ޠަލާލްގެ އިތުރުން ސްޕޯޓްސް މިނިސްޓްރީގެ ސްޓޭޓް މިނިސްޓަރުންނާއި ޑެޕިއުޓީ މިނިސްޓަރުން ވަނީ ބައިވެރިވެޑައިގެންފައެވެ. މީގެ އިތުރުން ބައެއް އެސޯސިއޭޝަންތަކުގެ އިސްވެރިންވެސް ވަނީ މުބާރާތް ހުޅުވުމުގެ ރަސްމިއްޔާތުގައި ބައިވެރިވަޑައިގެންފައެވެ.

ޒުވާނުންގެ މަރުކަޒުގެ އިންޑޯ ހޯލުގައި ކުރިއަށްދާ ސައުތު އޭޝިއަން ބޮޑީބިލްޑިންގ އެންޑް ފިޒީކް ސްޕޯޓްސް ޗެމްޕިއަންޝިޕްގައި ހަ ގައުމަކުން އެތުލީޓުން ވާދަކުރެއެވެ. އެއީ، އިންޑިއާ، ނެޕާލް، ޕާކިސްތާން، އިންޑިއާ، އަފްގާނިސްތާން އަދި ދިވެހިރާއްޖެއެވެ.

މި އަހަރަކީ، ރާއްޖޭގައި މި ސަރަހައްދުގެ ގައުމުތަކުގެ މެދުގައި ބޮޑީބިލްޑިން މުބާރާތެއް ހޯސްޓްކުރާ ތިން ވަނަ ފަހަރެވެ.