ހަބަރު

ސައުތު އޭޝިއާ ރީޖަނަލް އެންޓި ޑޯޕިން އޯގަނައިޒޭޝަން އާއި ނޭޝަނަލް އެންޓި ޑޯޕިންގ އެޖެންސީ އަދި އިންޑިއާ ކޯޕަރޭޝަނުން މީޓް އެއް ބާއްވައިފި

06 ޖުލައި 2023

ޑިޕާޓްމެންޓު:
ޕަބްލިކް ރިލޭޝަން ޔުނިޓް
" ސައުތު އޭޝިއާ ރީޖަނަލް އެންޓި ޑޯޕިން އޯގަނައިޒޭޝަން (ސަރާޑޯ) އާއި ނޭޝަނަލް އެންޓި ޑޯޕިންގ އެޖެންސީ، އިންޑިއާ ކޯޕަރޭޝަން މީޓް" އެއް ބާއްވައިފިއެވެ.
މި ބައްދަލުވުން ކުރިޔަށް ގެންގޮސްފައިވަނީ އިންޑިއާގެ ނިއު ދިއްލީގައި މި މަހުގެ 3 އިން 4 ގެ ނިޔަލަށެވެ.
މި ބައްދަލުވުމުގައި ނެޝަނަލް އެންޓިޑޯޕިން އެޖެންސީ (ނާޑާ) އިންޑިއާ - ސާރާޑޯ ކޯޕަރޭޝަން މީޓްގައި ސާރާޑޯގެ ބައިނަލްއަގްވާމީ ވަފުދާއި ބަންގްލަދޭޝް، ބޫޓާން، ސްރީލަންކާ، ނޭޕާލް އަދި ދިވެހިރާއްޖޭގެ ނެޝަނަލް އެންޓި ޑޯޕިންގ އެޖެންސީ މެމްބަރު ގައުމުތަކުގެ މަންދޫބުން ބައިވެރިވެފައި ވެއެވެ.
ނާޑާ އިންޑިއާ އާއި ސާރާޑޯގެ މެމްބަރުންގެ މެދުގައި ބޭއްވި 1 ވަނަ ޕްރޮޖެކްޓް ޕްލޭން ބައްދަލުވުމުގައި ސައުތު އޭޝިއާ ރީޖަނަލް އެންޓި ޑޯޕިން އޮގަނައިޒޭޝަން (ސާރާޑޯ) އާއެކު އެމް.އޯ.ޔޫ. އެއްގައި ވަނީ ސޮއިކޮށްފައިވެއެވެ.
މި އެމް.އޯ.ޔޫގައި ސޮއިކުރެއްވީ އިންޑިއާ ސަރުކާރުގެ ޔޫތު އެފެއާޒް އެންޑް ސްޕޯޓްސް އެންޑް އިންފޮމޭޝަން އެންޑް ބްރޯޑްކާސްޓިންގެ އޮނަބަލް މިނިސްޓަރު ޝްރީ އަނޫރާގް ސިންގް ތަކުރުގެ ހާޒިރުގައެވެ. މި ބައްދަލުވުމުގައި ނާޑާ އިންޑިއާގެ ޓީމުން ވަނީ ޕްރޮޖެކްޓް ޕްލޭނާއި އެއްބާރުލުން ދޭ ދާއިރާތަކާއި ތަންފީޒު ކުރުމުގެ ސްޓްރެޓެޖީއާއި ނަތީޖާތައް މޮނިޓަރ ކުރުމުގެ އުސޫލުތަކާއި ނާޑާ އިންޑިއާގެ އެންޓި ޑޯޕިން ތައުލީމީ އިސްނެގުމާއި ވަސީލަތްތަކުގެ އޯވަރވިއުއެއް ހުށަހަޅާފައެވެ. އަދި ބަންގްލަދޭޝް، ބޫޓާން، ދިވެހިރާއްޖެ، ނޭޕާލް އަދި ސްރީލަންކާގެ މެމްބަރު ގައުމުތަކުގެ މަންދޫބުން ވެސް ވަނީ އެގައުމުތަކުގައި އެންޓި ޑޯޕިން އާއި ގުޅޭ އޯވަރވިއުއެއް ހުށަހަޅާފައެވެ.
މޯލްޑިވްސް ނެޝަނަލް އެންޓި ޑޯޕިންގ އެޖެންސީ (މަނާޑާ) ގެ ޕްރޮގްރާމް އޮފިސަރ ރިޝްމާ ފާރޫޤް ދިވެހިރާއްޖެއިން ވަނީ ބައިވެރިވެ ވަޑައިގެންފައެވެ.