މާޅޮސްމަޑުލު އުތުރުބުރީ އިންނަމާދޫ އައުޓްޑޯ ވޮލީކޯޓް ތަރައްޤީކުރުމަށް ބަޔަކާއި ހަވާލުކޮށްފިއެވެ.

މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްގައި މިއަދު ކުރިޔަށްގެންދިޔަ ރަސްމިއްޔާތެއްގައި ރ.އިންނަމާދޫ އައުޓްޑޯ ވޮލީކޯޓް ތަރައްޤީކުރުމުގެ އެއްބަސްވުމުގައި ސޮއިކޮށްފައިވަނީ ބޮޑުތިލަ އިންވެސްޓްމަންޓް އާއެކުއެވެ.

މި އެއްބަސްވުމުގައި ޔޫތު މިނިސްޓްރީގެ ފަރާތުން ސޮއިކުރެއްވީ، ޑެޕިއުޓީ މިނިސްޓަރ އަޙުމަދު މުހައްމަދު އެވެ. ބޮޑުތިލަ އިންވެސްޓްމަންޓް ފަރާތުން އެއްބަސްވުމުގައި ސޮއިކުރެއްވީ އާމިނަތު ޝަކީލާ އެވެ.

ރ.އިންނަމާދޫ އައުޓްޑޯ ވޮލީކޯޓް ތަރައްޤީކުރުމަށް ބޮޑުތިލަ އިންވެސްޓްމަންޓް އާއި ހަވާލުކުރީ 1،152،433.20 މިލިއަން ރުފިޔާއަށެވެ.

މި މަސައްކަތް ބޮޑުތިލަ އިންވެސްޓްމަންޓް އާއި ހަވާލުކުރީ މަސައްކަތް ފަށާތާ 44 ދުވަހުގެ ތެރޭގައި ނިންމަން ޖެހޭގޮތަށެވެ.