ހަބަރު
ރ.ކިނޮޅުހުގައި ނެޝަނަލް ވޮލީބޯލް ރެފްރީސް ޓްރެއިނިންގ ކޯހެއް ކުރިޔަށް ގެންގޮސްފި
02 މޭ 2023
ޑިޕާޓްމެންޓު:
ކުޅިވަރުގެ ދާއިރާއިން ޒުވާނުން ކުރިއެރުވުމަށް ރ. ކިނަޅޮހުގައި ނެޝަނަލް ވޮލީބޯލް ރެފްރީސް ޓްރެއިނިންގ ކޯހެއް ކުރިޔަށް ގެންގޮސްފިއެވެ.
މި ކޯސް ކުރިޔަށް ދިޔައީ 25 އޭޕްރިލް 2023 އިން 1 މެއި 2023 ގެ ނިޔަލަށެވެ. މި ކޯހުގައި ޖުމްލަ 19 ބައިވެރިން ވަނީ ބައިވެރިވެފައެވެ. އެއީ 5 އަންހެން ބައިވެރިންނާއި 14 ފިރިހެން ބައިވެރިންނެވެ.
ކޯހުގެ މަޤްސަދަކީ ވޮލީބޯލް ރެފްރީން ކުރިއެރުވުމަށް ރެފްރީން އުފައްދައި، މަދަރުސީ ދައުރުން ފެށިގެން މިކުޅިވަރަށް ކުދިން އަހުލުވެރި ކުރުވާނެ ރެފްރީން ތަމްރީން ކުރުމެވެ.
7 ދުވަހުގެ މުއްދަތައް ކުރިއަށް ގެންދިޔަ މިކޯހުގައި ވޮލީބޯލް ރެފްރީންގެ ކިބައިގައި ހުންނަންޖެހޭ އަސާސީ ކަންކަމަށް ބައިވެރިން ތަމްރީން ކުރެވުނެވެ. އަދި ކުޅިވަރުގެ އަސާސީ ކަންކަމަށާއި އަޚްލާގް ދެމެހެއްޓުމަށް ތަމްރީންތަކުގައި އިސްކަންދެވިފައިވެއެވެ.
Some Clicks from the Closing ceremony of National Volleyball Referees Training Course organized by Maldives National Institute of Sports in collaboration with volleyball association of Maldives.
— Ministry of Youth,Sports and Community Empowerment (@MoYSCEmv) May 2, 2023
This course was held from 25th April 2023 to 1st May 2023 in R.Kinolhas. pic.twitter.com/wy51oy0yhK
މިކޯހުގެ އިންސްޓްރަކްޓަރުންގެ ގޮތުގައި ކިޔަވައިދެއްވީ ވޮލީބޯލް ރެފްރީންގެ ތަޖުރިބާކާރު ރެފްރީއެއް ކަމައްވާ އަހްމަދު ސަލީމެވެ.