ރައީސުލްޖުމްހޫރިއްޔާ، ހއ. އިހަވަންދޫ ވޮލީބޯޅަ ކޯޓު ރަސްމީކޮށް ހުޅުއްވައިދެއްވައިފި

29 ޖެނުއަރީ 2025

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ހއ. އިހަވަންދޫގައި ތަރައްޤީކުރި އައުޓްޑޯ ވޮލީބޯޅަ ކޯޓު ރަސްމީކޮށް ހުޅުއްވައިދެއްވައިފި އެވެ. 
ހއގެ ރަށްތަކަށް ކުރައްވަމުންގެންދަވާ ދަތުރުފުޅުގެ ތެރެއިން ހއ. އިހަވަންދޫއަށް ވަޑައިގެން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ކުޅިވަރުގެ މުހިންމު މަޝްރޫޢުތަކެއް ފައްޓަވައިދެއްވާފަ އެވެ. މިގޮތުން އެ ރަށުގެ ވޮލީކޯޓު ރަސްމީކޮށް  ހުޅުއްވައިދެއްވީ މިއަދު ހަވީރު އެވެ. 
ހއ. އިހަވަންދޫ ވޮލީބޯޅަ ކޯޓަކީ ކުޅިވަރާއި ހަށިހެޔޮކަމާ ބެހޭ ވުޒާރާ އާއި އިހަވަންދޫ ކައުންސިލުން ގުޅިގެން  އެރަށުގައި ތަރައްޤީކުރި ކޯޓެކެވެ. 
މި ވޮލީބޯޅަ ކޯޓު ހުޅުއްވައިދެއްވުމަށްފަހު ރައީސުލްޖުމްހޫެރިއްޔާ ވަނީ އެ ރަށުގެ ޒުވާނުންނާއިއެކު ކޯޓު ބައްލަވާލައްވައި، ވަގުތު ކޮޅެއް ހޭދަކުރައްވާފަ އެވެ.