ހަބަރު
އޮލިމްޕިކް ޑޭ ފާހަގަކުރުމުގެ ގޮތުން ބޭއްވި ހަރަކާތްތަކުގައި މިނިސްޓަރ ބައިވެރިވެވަޑައިގެންފި
06 ޖުލައި 2024
ޑިޕާޓްމެންޓު:
އޮލިމްޕިކް ޑޭ ފާހަގަކުރުމުގެ
ގޮތުން މޯލްޑިވްސް އޮލިމްޕިކް ކޮމިޓީން އިންތިޒާމްކޮށްގެން ކުރިޔަށްގެންދިޔަ
ހަރަކާތްތަކުގައި މިނިސްޓަރ ޢަބްދުﷲ ރާފިޢު ބައިވެރިވެވަޑައިގެންފި އެވެ.
މި ހަރަކާތްތަކުގައި
މިނިސްޓަރުގެ އިތުރުން ކުޅިވަރާއި ބެހޭ ވުޒާރާގެ އިސްވެރިން އަދި އެމްއޯސީގެ
އިސްވެރިންނާއި ކުޅިވަރު އެސޯސިއޭޝަންތަކުގެ އިސްވެރިންނާއި އެތުލީޓުން ވަނީ
ބައިވެރިވެފަ އެވެ.
މި ހަރަކާތްތައް
ފެށުމުގެ ގޮތުން އެންމެ ފުރަތަމަ އޮތީ އާޓިފިޝަލް ބީޗުން ފަށައިގެން ރަސްމީ
ފުޓްބޯޅަ ދަނޑަށް ނިންމާގޮތަށް ބޭއްވި ދުވުމެކެ އެވެ. އަދި ރަސްމީ ފުޓްބޯޅަ
ދަނޑުގައި އެކިއެކި ކުޅިވަރު ހަރަކާތްތައް ވަނީ ކުރިޔަށް ގެންގޮސްފައެވެ. މި ހަރަކާތްތަކުގައި
މިނިސްޓަރ ވަނީ ބައިވެރިވެ ވަޑައިގެންފަ އެވެ.
އޮލިމްޕިކް ޑޭ ފާހަގަކުރުމުގެ ގޮތުން މޯލްޑިވްސް އޮލިމްޕިކް ކޮމިޓީން އިންތިޒާމްކޮށްގެން ކުރިޔަށްގެންދިޔަ ހަރަކާތްތަކުގައި މިނިސްޓަރ ޢަބްދުﷲ ރާފިޢު ބައިވެރިވެވަޑައިގެންފި.
— Ministry of Sports, Fitness and Recreation (@MoSFR_mv) July 6, 2024
މި ހަރަކާތްތަކުގައި މިނިސްޓްރީގެ އިސް ބޭފުޅުންގެ އިތުރުން ކުޅިވަރު އެތުލީޓުންވެސް ވަނީ ބައިވެރިވެފައި. pic.twitter.com/yqsA3xKuwM
މާލޭގެ އިވެންޓްތައް، ހެނދުނު ނިންމާލިއިރު، ދެން،
މީގެ އިވެންޓްތައް ކުރިއަށްގެންދިޔަ ތިން ރަށް ކަމަށްވާ، ތ. ގުރައިދޫ، ހދ. ކުޅުދުއްފުށި
އަދި ޅ. ނައިފަރުގައި އިވެންޓްތައް ކުރިއަށްދިޔައީ މިއަދު ހަވީރު އެވެ.
ކޮންމެ އަހަރެއްގައި ވެސް، ޖޫން 23 ވަނަ ދުވަހު
އޮލިމްޕިކް ޑޭ ގެ ގޮތުގައި ފާހަގަކުރެ އެވެ.