ވޮލީބޯޅަ އެސޯސިއޭޝަން އޮފް މޯލްޑިވްސް އިން އިންތިޒާމްކޮށްގެން ކުރިޔަށްގެންދިޔަ ގައުމީ ވޮލީބޯޅަ ލީގުގެ ޗެމްޕިއަން ޓީމަށް ދޭ ޝީލްޑް ހަވާލުކުރުމުގެ ރަސްމިއްޔާތު މިނިސްޓަރ އޮފް ޔޫތް ސްޕޯޓްސް އެންޑް ކޮމިއުނިޓީ އެމްޕަވަރމަންޓް އަޙުމަދު މަހުލޫފް ޝަރަފްވެރިކޮށްދެއްވައިފިއެވެ.

ގައުމީ ވޮލީބޯޅަ ލީގުުގެ ޗެމްޕިއަންކަން ހޯދި ސްޕޯޓްސް ކްލަބް ސިޓީ އަށް ލީގުގެ އައްޑަނަ ހަވާލުކުރުން އޮތީ ލީގުުގައި އެ ޓީމު ކުޅުނު ފަހު މެޗަށް ފަހުއެވެ. ލީގުގެ ފަހު މެޗުގައި ސިޓީ ނުކުތީ ކުލަބު ވެމްކޯ އާއި ދެކޮޅަށެވެ. މި މެޗު 1-3 ސެޓުން ކާމިޔާބުކުރީ ސްޕޯޓްސް ކްލަބް ސިޓީއެވެ.

މި މެޗަށް ފަހު ލީގު ޗެމްޕިއަންކަން ކަށަވަރުކުރި ސްޕޯޓްސް ކްލަބް ސިޓީއަށް އައްޑަނަ އާއި މެޑަލް ހަވާލުކޮށްފައިވާއިރު، މި ރަސްމިއްޔާތުގައި ޔޫތް މިނިސްޓަރ އަޙުމަދު މަހުލޫފްގެ އިތުުރުން ވޮލީބޯޅަ އެސޯސިއޭޝަންގެ އިސްވެރިން ވެސް ވަނީ ބައިވެރިވެވަޑައިގެންފައެވެ.