ހަބަރު
މިއަހަރުގެ ޒުވާނުންގެ އެވޯޑް 10 ފަރާތަކަށް ދީފި
24 އޮކްޓޯބަރު 2022
މިއަހަރުގެ އަހަރުގެ ޒުވާނުންގެ އެވޯޑް 10 ފަރާތަކަށް
ދީފިއެވެ.
ޒުވާނުންގެ އެވޯޑް ލިބުނު ފަރާތްތަކަށް މި
އެވޯޑް ހަވާލުކޮށްދެއްވީ، ޒުވާނުންގެ ދުވަސް ފާހަގަކުރުމަށް ރޭ ޒުވާނުންގެ
މަރުކަޒުގައި ބޭއްވި ރަސްމީ ޖަލްސާގައި ރައީސުލްޖުމްހޫރިއްޔާ އިބްރާހީމް މުޙައްމަދު
ޞާލިހެވެ.
މި ޖަލްސާގައި ރައީސުލްޖުމްހޫރިއްޔާގެ
އިތުރުން ރައީސުލްޖުމްހޫރިއްޔާގެ ނައިބު ފައިސަލް ނަސީމްގެ އިތުރުން ޔޫތް
މިނިސްޓަރ އަޙުމަދު މަޙްލޫފްގެ އަދި ރައްޔިތުންގެ މަޖިލީހުގެ ބައެއް
މެމްބަރުންނާއި ޤައުމުތަކުގެ ސަފީރުން ވެސް ވަނީ ބައިވެރިވަޑައިގެންފައެެވެ.
ޤައުމީ ޒުވާނުންގެ ދުވަސް ފާހަގަކުރުމާއި، ޒުވާނުންގެ
އެވޯޑް ދިނުމަށް ސަރުކާރުން ނިންމާފައިވަނީ އެކި ދާއިރާތަކުން ޒުވާނުން ކުރަމުން އަންނަ
މަސައްކަތްތަކުގެ އަގު ވަޒަންކުރުމުގެ ގޮތުންނެވެ.
ޒުވާނުންގެ އެވޯޑް ލިބުނު ފަރާތްތައް:
* ވިޔަފާރިއާއި
އިޤްތިޞާދުގެ ދާއިރާއިން މުޙައްމަދު ޖައިލަމް
* އަރޓް-ފަންނުވެރި
ކަމުގެ ދާއިރާއިން ޢަބްދުﷲ ޝަފީޢު
* ކުޅިވަރަށް
ޚިދުމަތްކުރުމުގެ ދާއިރާއިން ނީޝާ ޚަލީމް
* ދަރުމަވެރިކަމުގެ
ދާއިރާއިން ފިރާޝާ މުޙައްމަދު
* ވޮކޭޝަނަލް
ޓްރެއިނިން ދަސްކޮށްދިނުމުގެ ދާއިރާއިން އިބްރާޙިމް ޝަރީފް ޙަސަން
* ޒުވާނުންގެ
ބާރުވެރިކަން އިތުރުކުރުމަށް މަސައްކަތްކުރުމުގެ ދާއިރާއިން ޢަބްދުﷲ ޝަހުނީޒް
* ދިވެހިބަހާއި
ސަޤާފަތަށް ޚިދުމަތްކުރުމުގެ ދާއިރާއިން ޢަލީ އާމިރު
* މަސްތުވާތަކެއްޗާއި
ދެކޮޅަށް މަސައްކަތްކުރުމުގެ ދާއިރާއިން އާފިރު މުޙައްމަދު
* ދަނޑުވެރިކަމުގެ ދާއިރާއިން ޢަލީ ރަޝީދު
ނޭޝަނަލް ޔޫތު ވޮލަންޓިއަރ ޕްރޮގްރާމްގެ ތެރެއިން
މިނިސްޓަރ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަމަންޓް ދެއްވާ ޚާއްސަ އިނާމު
ޙާސިލްކޮށްފައިވަނީ އަޙްމަދު އަޙްނަފް ފިރާޤް އެވެ.
ކޮންމެ އަހަރެއްގެ އޮކްޓޯބަރުމަހުގެ 22 ވަނަ ދުވަސް،
ޒުވާނުންގެ ދުވަހުގެ ގޮތުގައި ޤައުމީ ފެންވަރުގައި ފާހަގަކުރުމަށް، ރައީސުލްޖުމްހޫރިއްޔާ
އިބްރާހީމް މުޙައްމަދު ޞާލިޙު ކަނޑައެޅުއްވީ 19 ޑިސެމްބަރު 2019 ގައެވެ.