މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްގެ ފަރާތުން އިންތިޒާމްކޮށްގެން މާލޭގެ މަދަނީ ޖަމްޢިއްޔާތަކަށް އަމާޒުކޮށްގެން ޕްރޮޖެކްޓް މެނޭމަންޓް ވޯރކްޝޮޕެއް ކުރިޔަށް ގެންގޮސްފިއެވެ.

މި ވޯރކްޝޮޕް ކުރިޔަށް ގެންގޮސްފައިވަނީ މިމަހުގެ 16 އިން 17 ގެ ނިޔަލަށް މާލޭ ސިޓީގައެވެ.

ޔޫތު މިނިސްޓްރީގެ ކޮމިއުނިޓީ އެމްޕަވަރމަންޓް ޑިޕާޓްމަންޓާއި އިސްލާމިކް ޔުނިވާރސިޓީ އަދި އޭޝިއާ ފައުންޑޭޝަންގެ އެހީތެރިކަމާއެކު ކުރިޔަށްގެންދިޔަ މި ވޯރކްޝޮޕްގައި މާލޭގެ 34 މަދަނީ ޖަމްޢިއްޔާއަކުން ވަނީ ބައިވެރިވެފައެވެ.

މި ވޯރކްޝޮޕް ބޭއްވުމުުގެ މަޤްސަދަކީ  އިޖްތިމާޢީގޮތުން މުޖުތަމަޢު ބާރުވެރިކުރުވުމުގެ ގޮތުން މަދަނީ ޖަމްޢިއްޔާތަކުން ކުރިއަށް ގެންދާ ޕްރޮގްރާމްތަކާއި ޙަރަކާތްތައް ހަރުދަނާ ކުރުމަށް އެހީތެރިވުމާއި، ޖަމްޢިއްޔާތަކުގެ އިދާރީ ހިންގުން ހަރުދަނާ ކުރުމުގެ މަޤްސަދުގައި ކުރިއަށް ގެންދެވުނު ވޯރކްޝޮޕެކެއެވެ.

މި ވޯރކްޝޮޕްގައި ކިޔަވައިދެއްވީ އިސްލާމިކް ޔުނަވާރސިޓީގެ ލެކްޗަރައިން ކަމަށްވާ ޢައިޝަތު ޝިޒްނީ އަދި އާމިނަތު ސިނާއުއެވެ.