މާލެ ސިޓީ 403 ނަންބަރު ކޮށީގައި (ދިރާގު ހެޑް އޮފިހާއި ޖެހިގެން އޮންނަ ހުސް ބިމުގައި) ފުޓްސަލް ދަނޑެއް ތަރައްޤީކުރުމަށް ނެގާއި އިންވެސްޓްމަންޓް އާއި ހަވާލުކޮށްފިއެވެ.

މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްގައި މިއަދު ކުރިޔަށްގެންދިޔަ ރަސްމިއްޔާތެއްގައި މާލެ 403 ނަންބަރު ކޮށީގައި ފުޓްސަލް ދަނޑެއް ތަރައްޤީކުރުމުގެ އެއްބަސްވުމުގައި ވަނީ ސޮއިކޮށްފައެވެ.

ފުޓްސަލް ދަނޑު ތަރައްޤީކުރުމަށް ނެގާއި އިންވެސްޓްމަންޓް އާއި ހަވާލުކުރީ 1،500،000.00 (އެއް މިލިއަން ފަސް ލައްކަ) ރުފިޔާއަށެވެ. އަދި މި މަސައްކަތް ނެގާއި އިންވެސްޓްމަންޓް އާއި ހަވާލުކުރީ މަސައްކަތް ފަށާތާ 45 ދުވަހުގެ ތެރޭގައި ނިންމަން ޖެހޭގޮތަށެވެ.

މި އެއްބަސްވުމުގައި ޔޫތު މިނިސްޓްރީގެ ފަރާތުން ސޮއިކުރެއްވީ، ސީނިއަރ އެގްޒެކްޓިވް ޑިރެކްޓަރ އަޙްމަދު ޝަޒީނުއެވެ. ނެގާއި އިންވެސްޓްމަންޓްގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ މެނޭޖަރ ޑިރެކްޓަރ އިސްމާއިލް ލަޠީފްއެވެ.