މުލަކު އަތޮޅު މުލަކުގައި ހުރި ކުޅިވަރު ކުޅޭ ތަންތަނުގެ ހާލަތު ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު ބައްލަވާލައްވައިފި އެވެ.

މުލަކު ކައުންސިލްގެ ދައުވަތަކަށް އެރަށަށް ކުރެއްވި ދަތުރުފުޅުގައި ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު ވަނީ ރަށުގައި ކުރިއަށްދިޔަ ފުޓްބޯޅަ މުބާރާތުގެ ފައިނަލް މެޗު ޝަރަފްވެރިކޮށްދެއްވައި ޗެމްޕިއަން ޓީމަށް އިނާމް ހަވާލްކޮށްދެއްވާފަ އެވެ.

މި ދަތުރުގައި މިނިސްޓަރ ރާފިޢު ވަނީ މުލަކުގައި ހުރި ކުޅިވަރު ކުޅޭ ތަންތަން ބައްލަވާލައްވާފަ އެވެ. އަދި އެރަށުގައި މިވަގުތު މަސައްކަތް ހުއްޓިފައިވާ ކުޅިވަރު މަޝްރޫޢުތަކުގެ ހާލަތު ބައްލަވާލައްވައި އެކަންކަމަށް ހައްލު ހޯދޭނެ ގޮތްތަކާ ގުޅޭގޮތުން މަޝްވަރާކުރެއްވި އެވެ.

މީގެ އިތުރުން ކުޅިވަރު ކުރިއެރުވުމަށް އެރަށަށް ދިމާވެފައިވާ ގޮންޖެހުންތަކާ އެކަމަށް މިވަގުތު ގެނެވޭނެ ހައްލުތަކާ ގުޅޭގޮތުންވެސް ކައުންސިލާއިއެކު ހިޔާލު ބަދަލުކުރެވުނެވެ. ކުރެވުނެވެ.