ހަބަރު

ކ.ގުރައިދޫ އަދި އދ.މާމިގިލި ފުޓްބޯޅަ ދަނޑުގެ ރޮސްޓްރަމް ޤާއިމްކުރުމަށް ހައިޑުރޯ މޯލްޑިވްސް އާއި ހަވާލުކޮށްފި

13 ފެބްރުއަރީ 2023

ޑިޕާޓްމެންޓު:
ޕަބްލިކް ރިލޭޝަން ޔުނިޓް
މާލެ އަތޮޅު ގުރައިދޫ އަދި އަރިއަތޮޅު ދެކުނުބުރީ މާމިގިލި ފުޓްބޯޅަ ދަނޑުގެ ރޮސްޓްރަމް ޤާއިމްކުރުމުގެ މަސައްކަތް ކުރުމަށް ހައިޑުރޯ މޯލްޑިވްސް ޕްރައިވެޓް ލިމިޓެޑް އާއި ހަވާލުކޮށްފި އެވެ.
މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްގައި މިއަދު ކުރިޔަށްގެންދިޔަ ސޮއިކުރުމުގެ ރަސްމިއްޔާތުގައި މިނިސްޓްރީގެ ފަރާތުން މި އެއްބަސްވުމުގައި ސޮއިކުރެއްވީ، ޑެޕިއުޓީ މިނިސްޓަރ އަޙުމަދު މުޙައްމަދު އެވެ. އަދި ހައިޑުރޯ މޯލްޑިވްސް ޕްރައިވެޓް ލިމިޓެޑްގެ ފަރާތުން މި އެއްބަސްވުމުގައި ސޮއިކުރެއްވީ، އެ ކުންފުނީގެ މާކެޓިންގ މެނޭޖަރ މުޙައްމަދު ޝަންވީލް އެވެ.
ކ.ގުރައިދޫ ފުޓްބޯޅަ ދަނޑުގެ ރޮސްޓްރަމް ޤާއިމްކުރުމަށް ހައިޑުރޯ މޯލްޑިވްސް ޕްރައިވެޓް ލިމިޓެޑް އާއި ހަވާލުކުރީ 4،565،903.60 މިލިއަން ރުފިޔާއަށެވެ. އަދި މި މަސައްކަތް ހައިޑުރޯ މޯލްޑިވްސް އާއި ހަވާލުކުރީ މަސައްކަތް ފަށާތާ 150 ދުވަހުގެ ތެރޭގައި ނިންމަން ޖެހޭގޮތަށެވެ.
އދ.މާމިގިލި ފުޓްބޯޅަ ދަނޑުގެ ރޮސްޓްރަމް ޤާއިމްކުރުމަށް ހައިޑުރޯ މޯލްޑިވްސް ޕްރައިވެޓް ލިމިޓެޑް އާއި ހަވާލުކުރީ 4،379،137.87 މިލިއަން ރުފިޔާއަށެވެ. އަދި މި މަސައްކަތުގެ މުއްދަތުގެ ގޮތުގައި އެއްބަސްވުމުގައި ކަނޑައަޅާފައިވަނީ މަސައްކަތް ފަށާތާ 150 ދުވަހުގެ ތެރޭގައި ނިންމަން ޖެހޭގޮތަށެވެ.