ހުޅުމާލޭ ފޭސް 2 ގައި 2 ފުޓްސަލް ދަނޑު ތަރައްޤީކުރުމަށް  ޒެބޮކް އާއި ހަވާލުކޮށްފިއެވެ.

މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްގައި މިއަދު ކުރިޔަށްގެންދިޔަ ރަސްމިއްޔާތެއްގައި ވަނީ ހުޅުމާލޭ ފޭސް 2 ގައި 2 ފުޓްސަލް ދަނޑުތަރައްޤީކުރުމުގެ އެއްބަސްވުމުގައި ވަނީ ސޮއިކޮށްފައެވެ.

މި 2 ފުޓްސަލް ދަނޑު ތަރައްޤީކުރުމަށް ހަމަޖެހިފައިވަނީ ހިޔާ ފްލެޓްތައް ހިމެނޭ ސަރަހައްދުގައެވެ.

މި އެއްބަސްވުމުގައި ޔޫތް މިނިސްޓްރީގެ ފަރާތުން ސޮއިކުރެއްވީ، ޑެޕިއުޓީ މިނިސްޓަރ އަޒުމޫން އަޙްމަދު ދީދީއެވެ. ޒެބޮކް ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ ޑިރެކްޓަރ ލައުޒާ ވަހީދުއެވެ.

ހުޅުމާލޭ ފޭސް 2 ގައި 2 ފުޓްސަލް ދަނޑު ތަރައްޤީކުރުމަށް ޒެބޮކް އާއި ހަވާލުކުރީ 4،265،024.44 (ހަތަރު މިލިއަން ދެލައްކަ ފަސްދޮޅަސް ފަސްހާހް ސައުވީސް ރުފިޔާ ސާޅީސް ހަތަރު ލާރި) އަށެވެ. އަދި މި މަސައްކަތް ޒެބޮކް އާއި ހަވާލުކުރީ މަސައްކަތް ފަށާތާ 55 ދުވަހުގެ ތެރޭގައި ނިންމަން ޖެހޭގޮތަށެވެ.