ހއ. އިހަވަންދޫ ފުޓްބޯޅަ ދަނޑު ތަރައްޤީކުރުމުގެ އެއްބަސްވުމުގައި ސޮއިކޮށްފި އެވެ. 

ޑރ. މުޙައްމަދު މުޢިއްޒުގެ ކެމްޕެއިން ވަޢުދެއްކަމަށްވާ ހއ. އިހަވަންދޫ ހުރަވީ ފުޓްބޯޅަ ދަނޑު ތަރައްޤީކުރުމަށް ހަވާލުކޮށްފައިވަނީ ރޯޑް ޑިވެލޮޕްމަންޓް ކޯޕަރޭޝަން (އާރު.ޑީ.ސީ)އާ އެވެ.

މި އެއްބަސްވުމުގައި ސަރުކާރުގެ ފަރާތުން ސޮއިކުރެއްވީ ސޮއިކުރެއްވީ، ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު އެވެ. އަދި އާރު.ޑީ.ސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރ ބްރިގޭޑިއާ ޖެނެރަލް ރިޓަޔަރޑް އަލީ ޒުހައިރު އެވެ.

ހއ. އިހަވަންދޫގައި ޤާއިމްކުރަން ނިންމާފައިވާ ފުޓްބޯޅަ ދަނޑަކީ އެ ރަށުގެ ޒުވާނުންގެ ބޮޑު ހުވަފެނެކެވެ. ކޮންމެ އަހަރަކުވެސް ފުޓްބޯޅައިގެ ބޮޑެތި މުބާރާތްތައް ބާއްވަމުން އަންނަ އިހަވަންދޫގެ އަކީ އެ އަތޮޅުގެ އެންމެ އާބާދީ ބޮޑު އެއް ރަށެވެ. 

އިހަވަންދޫ ހުރަވީ ފުޓްބޯޅަ ދަނޑުގެ އަމަލީ މި އަހަރުގެ ތެރޭގައި ފެށުމަށް އަންނަނީ ތައްޔާރުވަމުންނެވެ.