ތިލަދުންމަތީ އުތުރުބުރީ ފިއްލަދޫގައި އައުޓްޑޯ ވޮލީކޯޓެއް ތަރައްގީކުރުމުގެ އެއްބަސްވުމުގައި މެގަ ލިންކްސް ޕްރައިވެޓް ލިމިޓެޑާއިއެކު ސޮއިކޮށްފި އެވެ. 

މިނިސްޓްރީ އޮފް ސްޕޯޓްސް ފިޓްނަސް އެންޑް ރެކްރިއޭޝަންގައި މިއަދު އޮތް ރަސްމިއްޔާތެއްގައި ވޮލީކޯޓު ތަރައްގީކުރުމުގެ އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރ އިބްރާހިމް އާމިރު އެވެ. މެގަ ލިންކްސް ޕްރައިވެޓް ލިމިޓެޑްގެ ފަރާތުން ސޮއިކުރެއްވީ ކުންފުނީގެ މެނޭޖަރ އަލީ ޒާހިދު އެވެ.

ހއ. ފިއްލަދޫގައި އަޅަން ނިންމާފައިވާ އައުޓްޑޯ ވޮލީކޯޓުގެ މަސައްކަތް 38 ދުވަހުގެ ތެރޭގައި ނިންމަން ޖެހޭއިރު، މި މަސައްކަތުގެ އަގަކީ 1،056،140.32 (އެއް މިލިއަން، ފަންސާސް ހަ ހާސް، ސަތޭކަ ސާޅީސް ރުފިޔާ ތިރީސް ދެ ލާރި) އެވެ.

މިވަގުތު ރާއްޖޭގެ އެކި ސަރަހައްދުތަކުގައި 15 ވޮލީކޯޓެއްގެ މަސައްކަތް ކުރިއަށް އެބަ ދެ އެވެ.