ގުރައިދޫ ދާއިރާގެ ކުޅިވަރުގެ ހާލަތު ރަނގަޅުކުރުމާ ގުޅޭގޮތުން  އެ ދާއިރާގެ މެންބަރު ހަނާން މުޙައްމަދު ރަޝީދުއާ، ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު ބައްދަލުކުރައްވައިފި އެވެ.
ކުޅިވަރާއި ހަށިހެޔޮކަމާ ބެހޭ ވުޒާރާގައި ކުރިއަށްދިޔަ މި ބައްދަލުވުމުގައި ވަޒީރު ރާފިޢުގެ އިތުރުން އެ ވުޒާރާގެ ޑެޕިއުޓީ މިނިސްޓަރ އަސްލަމް ރަހާވެސް ބައިވެރިވަޑައިގެންނެވި އެވެ.

މި ބައްދަލުވުމުގައި ގުރައިދޫ ރާއިރާގެ މެންބަރު ހަނާން މުޙައްމަދު ރަޝީދު ވަނީ އެ ދާއިރާގައި ހިމެނޭ ތިން ރަށްކަމަށްވާ ދިޔަމިގިލި، ގާދިއްފުށި އަދި ގުރައިދޫގެ ކުޅިވަރުގެ ކަންކަން ވަޒީރު ރާފިޢުއާ ހިއްސާކުރައްވާފަ އެވެ. 
ވަޒީރު ރާފިޢު ވަނީ ގުރައިދޫ ދާއިރާއަށް މިއަހަރު ބަޖެޓުގައި ހިމަނާފައިވާ މަޝްރޫޢުތަކުގެ ތަފްސީލްތައް މެމްބަރު ހަނާން އާ ހިއްސާކުރައްވާފަ އެވެ.