ހުވަދުއަތޮޅު ދެކުނުބުރީ ނަޑެއްލާ ފުޓްބޯޅަ ދަނޑުގެ ސަބްބޭސް ތައްޔާރުކުރުމުގެ މަސައްކަތް ކުރުމަށާއި، ކޮޅުމަޑުލު ތިމަރަފުށި ފުޓްބޯޅަ ދަނޑުގެ ލައިޓިންގ ސިސްޓަމް ޤާއިމްކުރުމުގެ މަސައްކަތް ކުރުމަށް ކޮންޓްރެކްޓަރުންނާއެކު މިއަދު ސޮއިކޮށްފި އެވެ.

މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްގައި ކުރިޔަށްގެންދިޔަ ރަސްމިއްޔާތެއްގައި ގދ.ނަޑެއްލާ ފުޓްބޯޅަ ދަނޑުގެ ސަބްބޭސް ތައްޔާރުކުރުމުގެ މަސައްކަތް ހަވާލުކޮށްފައިވަނީ ފުނަ އިންވެސްޓްމަންޓް އާއެވެ.

މި މަސައްކަތުގެ އެއްބަސްވުމުގައި ޔޫތު މިނިސްޓްރީގެ ފަރާތުން ސޮއިކުރެއްވީ، ޔޫތު މިނިސްޓްރީގެ ޑެޕިއުޓީ މިނިސްޓަރ އަޙުމަދު ފުޢާދުއެވެ. އަދި ފުނަ އިންވެސްޓްމަންޓްގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ ޕްރޮޖެކްޓްސް މެނޭޖަރ ޢަލީ ހޫދް އެވެ.

ގދ.ނަޑެއްލާ ފުޓްބޯޅަ ދަނޑުގެ ސަބްބޭސް މަސައްކަތް ފުނަ އިންވެސްޓްމަންޓް އާއި ހަވާލުކުރީ، މަސައްކަތް ފަށާތާ 55 ދުވަސް ތެރޭގައި މަސައްކަތް ނިންމަން ޖެހޭގޮތަށެވެ. މި މަސައްކަތުގެ އަގަކީ، 2،326،047.07 (ދެމިލިއަން ތިންލައްކަ ސައްބީސް ހާސް ސާޅީސް ހަތްރުފިޔާ ހަތްދިހަ ހަތަރުލާރި) އެވެ.

މީގެ އިތުުރުން ކޮޅުމަޑުލު ތިމަރަފުށި ފުޓްބޯޅަ ދަނޑުގެ ލައިޓިންގ ސިސްޓަމް ޤާއިމްކުރުމުގެ މަސައްކަތް ޔޫތު މިނިސްޓްރީން ހަވާލުކޮށްފައިވަނީ ތްރީ ޓްރީ މޯލްޑިވްސް އާއެވެ.

މި މަސައްކަތުގެ އެއްބަސްވުމުގައި ޔޫތު މިނިސްޓްރީގެ ފަރާތުން ސޮއިކުރެއްވީ، ޔޫތު މިނިސްޓްރީގެ ޑެޕިއުޓީ މިނިސްޓަރ އަޙުމަދު ފުޢާދުއެވެ. ތްރީ ޓްރީ މޯލްޑިވްސްގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ އޮޕަރޭޝަންސް ކޮންސަލްޓެންޓް ހަސަން ފައިރޫޒް އެވެ.

ތ.ތިމަރަފުށި ފުޓްބޯޅަ ދަނޑުގެ ސަބްބޭސް މަސައްކަތް ފުނަ އިންވެސްޓްމަންޓް އާއި ހަވާލުކުރީ، މަސައްކަތް ފަށާތާ 55 ދުވަސް ތެރޭގައި މަސައްކަތް ނިންމަން ޖެހޭގޮތަށެވެ. މި މަސައްކަތުގެ އަގަކީ، 2،326،047.07 (ދެމިލިއަން ތިންލައްކަ ސައްބީސް ހާސް ސާޅީސް ހަތްރުފިޔާ ހަތްދިހަ ހަތަރުލާރި) އެވެ.