ގދ. ފަރެސްމާތޮޑާގެ ކުޅިވަރުގެ ހާލަތާ ގުޅޭގުތޮން ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު މަޝްވަރާކުރައްވައިފި އެވެ. 

ކުޅިވަރާއި ހަށިހެޔޮކަމާ ބެހޭ ވުޒާރާގައި ކުރިއަށްދިޔަ ބައްދަލުވުމުގައި ފަރެސްމާތޮޑާ ދާއިރާގެ މެންބަރު އަޝްރަފް ރަޝީދު އާއި ގދ. ފަރެސްމާތޮޑާ ކައުންސިލްގެ މެންބަރުންގެ އިތުރުން ކުޅިވަރު ވުޒާރާގެ ސެކްޝަންތަކުގެ ބައެއް އިސްވެރިންވެސް ބައިވެރިވެވަޑައިގެންނެވި އެވެ. 

މި ބައްދަލުވުމުގައި ފަރެސްމާތޮޑާއަށް ކުޅިވަރުގެ ދާއިރާއިން ދިމާވެފައިވާ ގޮންޖެހުންތަކާއި، މިވަގުތު އެ ރަށުގެ ކުޅިވަރުގެ ހާލަތު ކައުންސިލުން ވަނީ ވަޒީރު ރާފިޢުއާ ހިއްސާކުރައްވާފަ އެވެ. 

ވަޒީރު ރާފިޢު ވަނީ އެ ރަށަށް ދިމާވެފައިވާ ކުޅިވަރު މައްސަލަތަކުގެ ހައްލުތައް ހޯދުމާ ގުޅޭގޮތުން ވަޝްވަރާކުރައްވާފަ އެވެ. އަދި މި އަހަރުގެ ބަޖެޓުގައި ހިމަނައިގެން ސަރުކާރުން އެ ރަށުގައި ގާއިމްކުރުމަށް ހަމަޖެހިފައިވާ ކުޅިވަރު ވަސީލަތްތަކާއި ގުޅޭގޮތުންވެސް މި ބައްދަލުވުމުގައި މަޝްވަރާކުރެވުނެވެ.