މިނިސްޓަރ ޢަބްދުﷲ ރާފިޢު މިއަދު ވަނީ ގއ. ދާންދޫ ކައުންސިލާ ބައްދަލުކުރައްވާ، އެ ރަށުގައި ކުރިއަށް ގެންދަން ނިންމާފައިވާ ކުޅިވަރު މަޝްރޫޢުތަކާ ގުޅޭގޮތުން މަޝްވަރާ ކުރައްވައިފި އެވެ.

މިހާރު ކުރިއަށްދާ މަޝްރޫޢުތަކުގެ އިތުރުން އެރަށަށް ބޭނުންވާ އެހެން ކުޅިވަރު ވަސީލަތްތަކާ ގުޅޭ މައުލޫމާތުވެސް ދާންދޫ ކައުންސިލުން ވަނީ މިނިސްޓަރާ ހިއްސާކުރައްވާފަ އެވެ.

މީގެ އިތުރުން އެރަށުގައި މިހާރު ކުރިއަށްދާ އެކި މަޝްރޫޢުތައް ނުހުއްޓި ކުރިއަށް ގެންދެވޭނެ ގޮތްތަކާ ގުޅޭގޮތުންވެސް ވަނީ މަޝްވަރާކުރެވިފަ އެވެ.