ފުވައްމުލަކު ސިޓީ ސްކޭޓް ޕާކް ތަރައްޤީކުރުމަށް ބަޔަކާއި ހަވާލުކޮށްފިއެވެ.

މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްގައި މިއަދު ކުރިޔަށްގެންދިޔަ ރަސްމިއްޔާތެއްގައި ފުވައްމުލަކު ސިޓީ ސްކޭޓް ޕާކް ތަރައްޤީކުރުމުގެ މަސައްކަތް ހަވާލުކޮށްފައިވަނީ ޝީހާ ކޮމްޕެނީ ޕްރައިވެޓް ލިމިޓެޑް އާއެވެ.

މި އެއްބަސްވުމުގައި ޔޫތު މިނިސްޓްރީގެ ފަރާތުން ސޮއިކުރެއްވީ، ޑެޕިއުޓީ މިނިސްޓަރ އަޙުމަދު ފުޢާދު އެވެ. ޝީހާ ކޮމްޕެނީ ޕްރައިވެޓް ލިމިޓެޑްގެ ފަރާތުން އެއްބަސްވުމުގައި ސޮއިކުރެއްވީ އިބްރާހިމް ޢަލީ ދީދީއެވެ.

ފުވައްމުލަކު ސިޓީ ސްކޭޓް ޕާކް ތަރައްޤީކުރުމަށް ޝީހާ ކޮމްޕެނީ ޕްރައިވެޓް ލިމިޓެޑް އާއި ހަވާލުކުރީ 1،826،967.83 (އެއްމިލިއަން އަށްލައްކަ ސައްބީސްހާސް ނުވަސަތޭކަ ފަސްދޮޅަސް ހަތްރުފިޔާ އަށްޑިހަ ތިންލާރި) އަށެވެ.

މި މަސައްކަތް ޝީހާ ކޮމްޕެނީ ޕްރައިވެޓް ލިމިޓެޑް އާއި ހަވާލުކުރީ މަސައްކަތް ފަށާތާ 150 ދުވަހުގެ ތެރޭގައި ނިންމަން ޖެހޭގޮތަށެވެ.