ފުވައްމުލަކު ސިޓީގެ ތިން އަވަށް ކަމަށްވާ މާލެގަން، މާދަނޑު އަދި ފުނާޑުގައި ފުޓްސަލް ދަނޑު އެޅުމަށް ޓްރިޕަލް އެއިޓް އާ ހަވާލުކޮށްފި އެވެ.

މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަން ކުރިޔަށްގެންދިޔަ ރަސްމިއްޔާތެއްގައި މި އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ، ސްޓޭޓް މިނިސްޓަރ އިބްރާހިމް އާމިރު އެވެ. ޓްރިޕަލް އެއިޓްގެ ފަރާތުން ސޮއިކުރެއްވީ އެކުންފުނީގެ މެނޭޖިން ޑިރެކްޓަރު މުހައްމަދު ފައިސަލް އެވެ. 

ފުވައްމުލަކު ސިޓީގައި އަޅާ ފުޓްސަލް ދަނޑުތަކުގެ ތެރެއިން މާލެގަން އަވަށުގައި އަޅާ ފުޓްސަލް ދަނޑަކީ 1،816،445.74 (އެއް މިލިއަން، އަށް ލައްކަ ސޯޅަ ހާސް، ހަތަރު ސަތޭކަ ސާޅީސް ފަސް ރުފިޔާ، ހަތް ދިހަ ހަތަރު ލާރި)ގެ މަޝްރޫޢު އެކެވެ. މި މަސައްކަތް ނިންމަން ޖެހެނީ 50 ދުވަސް ތެރޭގަ އެވެ. 

މާދަނޑު އަވަށުގައި ފުޓްސަލް ދަނޑުގެ މަޝްރޫޢަކީ 1،607،162.85 (އެއް މިލިއަން، ހަ ލައްކަ، ހަތް ހާސް، ސަތޭކަ ފަސްދޮޅަސް ދެ ރުފިޔާ، އަށްޑިހަ ފަސް ލާރި) ގެ މަޝްރޫޢެކެވެ. މި މަސައްކަތް ނިންމަން ހަވާލުކޮށްފައިވަނީ 40 ދުވަހުގެ ތެރޭގަ އެވެ. 

ފުނާޑުގެ ފުޓްސަލް ދަނޑަކީ 1،600،445.74 (އެއް މިލިއަން، ހަ ލައްކަ، ހަތަރު ސަތޭކަ، ސާޅީސް ފަސް ރުފިޔާ، ހަތްދިހަ ހަތަރު ލާރި)ގެ މަޝްރޫޢުކެވެ. މި މަސައްކަތްވެސް ނިންމަން ޖެހެނީ 40 ދުވަސް ތެރޭގަ އެވެ.