ނިލަންދެއަތޮޅު އުތުރުބުރީ ފީއަލީ އިންޑޯ ވޮލީކޯޓް ތަރައްޤީކުރުމަށް ބަޔަކާއި ހަވާލުކޮށްފިއެވެ.

މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓްގައި މިއަދު ކުރިޔަށްގެންދިޔަ ރަސްމިއްޔާތެއްގައި ފ.ފީއަލީގައި އިންޑޯ ވޮލީކޯޓެއް ތަރައްޤީކުރުމުގެ އެއްބަސްވުމުގައި ސައިކޮށްފައިވަނީ ބިޒް ވެންޗަރ މޯލްޑިވްސް އާއެކުއެވެ.

ފ.ފީއަލީގައި އިންޑޯ ވޮލީކޯޓެއް ތަރައްޤީކުރުމަށް ބިޒް ވެންޗަރ މޯލްޑިވްސް އާއި ހަވާލުކުރީ 4،930،568.56 މިލިއަން ރުފިޔާއަށެވެ. އަދި މި މަސައްކަތް ބިޒް ވެންޗަރ މޯލްޑިވްސް އާއި ހަވާލުކުރީ މަސައްކަތް ފަށާތާ 150 ދުވަހުގެ ތެރޭގައި ނިންމަން ޖެހޭގޮތަށެވެ.

މި އެއްބަސްވުމުގައި ޔޫތު މިނިސްޓްރީގެ ފަރާތުން ސޮއިކުރެއްވީ، ޑެޕިއުޓީ މިނިސްޓަރ އަޙުމަދު ފުޢާދުއެވެ. ބިޒް ވެންޗަރ މޯލްޑިވްސް ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ މެނޭޖަރ ޑިރެކްޓަރ ޢަބްދުﷲ ސަމަދުއެވެ.