ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) އިން އިންތިޒާމްކޮށްގެން ކުރިޔަށްގެންދިޔަ 16 އަހަރުން ދަށުގެ ޔޫތް ޗެމްޕިއަންޝިޕް ފުޓްބޯޅަ މުބާރާތުގެ ފައިނަލް މެޗު މިނިސްޓަރ އޮފް ޔޫތް ސްޕޯޓްސް އެންޑް ކޮމިއުނިޓީ އެމްޕަވަރމަންޓް އަޙުމަދު މަހުލޫފް ޝަރަފްވެރިކޮށްދެއްވައިފިއެވެ.

ރަސްމީ ފުޓްބޯޅަ ދަނޑުގައި ކުޅުނު ފައިނަލް މެޗުގައި ބައްދަލުކުރީ ޔުނައިޓެޑް ވިކްޓްރީ އާއި ކްލަބް ވެލެންސިއާއެވެ. މި މެޗު 1-2 ގެ ނަތީޖާއަކުން ކާމިޔާބުކޮށް މުބާރާތުގެ ޗެމްޕިއަންކަން ހޯދީ ކްލަބް ވެލެންސިއާއެވެ.

ފައިނަލް މެޗަށް ފަހު މުބާރާތުގެ އެކިއެކި ވަނަތަށް ހާސިލްކުރި ކުޅުންތެރިންނަށް ޓްރޮފީ އާއި މެޑަލް ހަވާލުކޮށްދެއްވީ ޔޫތް މިނިސްޓަރ އަޙުމަދު މަހުލޫފްގެ އަދި އެފްއޭއެމްގެ ޖެނެރަލް ސެކެޓްރީ ޙުސައިން ޖަވާޒްގެ އެފްއޭއެމްގެ ޓެކްނިކަލް ޑިރެކްޓަރ އަހުމަދު ޝަރީފްއެވެ.

ދިވެހި ޕްރިމިއާ ލީގުގެ އަށް ޓީމުގެ ޒުވާން ޓީމުތަކާ އެކު ބާއްވަން ނިންމި މުބާރާތުގައި ކްލަބް ގްރީން ސްޓްރީޓްސް އެންމެ ފަހު ވަގުތު ބައިވެރި ނުވާން ނިންމުމުން، މުބާރާތް ކުރިއަށް ގެންދިޔައީ ހަތް ޓީމާ އެކުއެވެ.