ހަބަރު
އެމް.އެން.އައި.އެސް އިން ކުރިޔަށްގެންދިޔަ ނެޓްބޯޅަ ކޯޗިންގ ކޯސް ނިންމާލައިފި
24 މާރިޗު 2023
ޑިޕާޓްމެންޓު:
ކުޅިވަރުގެ ދާއިރާއިން ޒުވާނުން ކުރިއެރުވުމަށް ޔޫތު މިނިސްޓްރީގެ ދަށުން ކުރާ މަސައްކަތުގެ ތެރެއިން މޯލްޑިވްސް ނެޝަނަލް އިންސްޓިޓިއުޓް އޮފް ސްޕޯޓްސް އާއި ނެޓްބޯލް އެސޯސިއޭޝަން އޮފް މޯލްޑިވްސް ގުޅިގެން ކުރިއަށް ގެންދިޔަ އިންޓްރޮޑަކްޓަރީ ނެޓްބޯލް ކޯޗިންގ ކޯސް ނިންމާލައިފިއެވެ.
މި ކޯސް ކުރިޔަށް ގެންގޮސްފައިވަނީ 18 މާރިޗު 2023 އިން 22 މާރިޗު 2023 އަށް މާލޭ ސިޓީގައެވެ. މި ކޯހުގައި ޖުމްލަ 25 ބައިވެރިން ވަނީ ބައިވެރިވެފައެވެ. އެއީ 22 އަންހެން ބައިވެރިންނާއި 3 ފިރިހެން ބައިވެރިންނެވެ.
Some Clicks from the closing ceremony of Introductory Netball Coaching Course conducted by Maldives National Institute of Sports in collaboration with netball association of Maldives.
— Ministry of Youth,Sports and Community Empowerment (@MoYSCEmv) March 24, 2023
The course was held from 18th March 2023 to 22nd March 2023 in Male' City. pic.twitter.com/fhIOS89Z40
5 ދުވަހުގެ މުއްދަތައް ކުރިއަށް ގެންދިޔަ މިކޯހުގައި ނެޓްބޯލް ކޯޗެއްގެ ކިބައިގައި ހުންނަންޖެހޭ އަސާސީ ކަންކަމަށް ބައިވެރިން ތަމްރީން ކުރެވުނެވެ. އަދި ކުޅިވަރުގެ އަސާސީ ކަންކަމަށާއި އަޚްލާގް ދެމެހެއްޓުމަށް ތަމްރީންތަކުގައި އިސްކަންދެވިފައިވެއެވެ.3
ކޯހުގެ މަޤްސަދަކީ ނެޓްބޯލް ކުރިއެރުވުމަށް ކޯޗުން އުފައްދައި، މަދަރުސީ ދައުރުން ފެށިގެން ނެޓްބޯޅައަށް ކުދިން އަހުލުވެރި ކުރުވާނެ ކޯޗުން ތަމްރީން ކުރުމެވެ. މި ކޯހުން ފާސްވެ ސެޓްފިކެޓް ހާޞިލްކޮށްފައިވަނީ 21 ބައިވެރިންނެވެ.
މިކޯހުގެ އިންސްޓްރަކްޓަރެއްގެ ގޮތުގައި ކިޔަވައި ދެއްވީ ނެޓްބޯލް ކޯޗިންގެ ތަޖުރިބާކާރު ކޯޗެއް ކަމުގައިވާ ނީޝާ ޙަލީމެވެ.