ހަބަރު
އެމް.އެން.އައި.އެސް އިން އިންތިޒާމްކޮށްގެން ކުރިޔަށް ގެންދިޔަ ނެޝެނަލް ވޮލީބޯލް ރެފްރީސް ކޯސް ނިންމާލައިފި
20 މާރިޗު 2023
ޑިޕާޓްމެންޓު:
ކުޅިވަރުގެ ދާއިރާއިން ޒުވާނުން ކުރިއެރުވުމަށް ޔޫތު މިނިސްޓްރީގެ ދަށުން ކުރާ މަސައްކަތުގެ ތެރެއިން މޯލްޑިވްސް ނެޝަނަލް އިންސްޓިޓިއުޓް އޮފް ސްޕޯޓްސް އާއި ވޮލީބޯލް އެސޯސިއޭޝަން ގުޅިގެން ކުރިއަށް ގެންދިޔަ ނެޝަނަލް ވޮލީބޯލް ރެފްރީސް ކޯސް ނިންމާލައިފިއެވެ.
މި ކޯސް ކުރިޔަށް ގެންގޮސްފައިވަނީ 07 މާރިޗް 2023 އިން 17 މާރިޗް 2023 ގެ ނިޔަލަށް މާލޭ ސިޓީގައެވެ. މި ކޯހުގައި ޖުމްލަ 27 ބައިވެރިން ވަނީ ބައިވެރިވެފައެވެ. އެއީ 08 އަންހެން ބައިވެރިންނާއި 19 ފިރިހެން ބައިވެރިންނެވެ.
Some Clicks from the closing ceremony of National Volleyball Referees Course conducted by Maldives National Institute of Sports in collaboration with Volleyball association of Maldives.
— Ministry of Youth,Sports and Community Empowerment (@MoYSCEmv) March 19, 2023
The course was held from 7th March 2023 to 17th March 2023 in Male' City. pic.twitter.com/scOiWnylRy
10 ދުވަހުގެ މުއްދަތައް ކުރިއަށް ގެންދިޔަ މިކޯހުގައި ވޮލީބޯލް ރެފްރީންގެ ކިބައިގައި ހުންނަންޖެހޭ އަސާސީ ކަންކަމަށް ބައިވެރިން ތަމްރީން ކުރެވުނެވެ. ކުޅިވަރުގެ އަސާސީ ކަންކަމަށާއި އަޚްލާގް ދެމެހެއްޓުމަށް ތަމްރީންތަކުގައި އިސްކަންދެވިފައިވާނެއެވެ.
މިކޯހުގެ އިންސްޓްރަކްޓަރުންގެ ގޮތުގައި ކިޔަވައިދެއްވީ ވޮލީބޯލް ރެފްރީންގެ ތަޖުރިބާކާރު 9 ރެފްރީންކަމައްވާ އަހްމަދު ސަލީމް، އަހްމަދު ސައިފް، ހުސައިން މުޙައްމަދު، ޙަސަން ޝިމާދު، ހުސައިން ހަމީދު، އަޙްމަދު ނަޝީދު، ޢަބްދުލް އަޒީޒް ޔޫސުފް، އިސްމާއިލް މަސްރޫފް އަދި ޢަބްދުﷲ ޒުހުރީއެވެ.
ކޯހުގެ މަޤްސަދަކީ ވޮލީބޯލް ރެފްރީން ކުރިއެރުވުމަށް ރެފްރީން އުފައްދައި، މަދަރުސީ ދައުރުން ފެށިގެން މިކުޅިވަރަށް ކުދިން އަހުލުވެރި ކުރުވާނެ ރެފްރީން ތަމްރީން ކުރުމެވެ.
މި ކޯހުން ފާސްވެ ސެޓްފިކެޓް ހާޞިލްކޮށްފައިވަނީ 21 ބައިވެރިންނެވެ.