ހަބަރު
އެމް.އެން.އައި.އެސް އާއި ބާސްކެޓްބޯޅަ އެސޯސިއޭޝަން ގުޅިގެން ޑަބްލިއު. އޭ. ބީ. ސީ ކޯޗިންގ ކޯހެއް ކުރިޔަށް ގެންގޮސްފި
30 މާރިޗު 2023
ޑިޕާޓްމެންޓު:
ބާސްކެޓްބޯޅަ ކުރިއެރުވުމަށް ޔޫތު މިނިސްޓްރީ އާއި މޯލްޑިވްސް ބާސްކެޓްބޯލް އެސޯސިއޭޝަން ގުޅިގެން ކުރާ މަސައްކަތުގެ ތެރެއިން މާލޭގައި ޑަބްލިއު. އޭ. ބީ. ސީ ކޯޗިންގ ކޯހެއް ކުރިޔަށް ގެންގޮސްފިއެވެ.
މި ކޯސް ކުރިޔަށް ގެންގޮސްފައިވަނީ 11 މާރިޗު 2023 އިން 16 މާރިޗް 2023 ގެ ނިޔަލަށެވެ.
މި ކޯހުގައި ޖުމްލަ 15 ބައިވެރިން ވަނީ ބައިވެރިވެފައެވެ. އެއީ 6 އަންހެން ބައިވެރިންނާއި 9 ފިރިހެން ބައިވެރިންނެވެ. އަދި މި 15 ބައިވެރިން ތެރެއިން 6 ބައިވެރިންނަކީ އިންޑިއާ ބައިވެރިންނެވެ. މި ކޯހުން ފާސްވެ ސެޓްފިކެޓް ހާޞިލްކޮށްފައިވަނީ 15 ބައިވެރިންނެވެ.
Some Clicks from the closing ceremony of WABC Level 1 Coaching Course organized by Maldives National Institute of Sports and Maldives Basketball Association.
— Ministry of Youth,Sports and Community Empowerment (@MoYSCEmv) March 30, 2023
The course will be held from 11th March to 16th March in Male' City.@mba_maldives pic.twitter.com/AOyAdCyF7f
މި ކޯހުގެ މަޤްސަދަކީ ބާސްކެޓްބޯލް ކުރިއެރުވުމަށް ކޯޗުން އުފައްދައި، މަދަރުސީ ދައުރުން ފެށިގެން މިކުޅިވަރަށް ކުދިން އަހުލުވެރި ކުރުވާނެ ކޯޗުން ތަމްރީން ކުރުމެވެ.
6 ދުވަހުގެ މުއްދަތަށް ކުރިއަށް ގެންދިޔަ މިކޯހުގައި ބާސްކެޓްބޯލް ކޯޗެއްގެ ކިބައިގައި ހުންނަންޖެހޭ އަސާސީ ކަންކަމަށް ބައިވެރިން ތަމްރީން ކުރެވުނެވެ. މި ކުޅިވަރުގެ އަސާސީ ކަންކަމަށާއި އަޚްލާގް ދެމެހެއްޓުމަށް ތަމްރީންތަކުގައި އިސްކަންދެވިފައިވެއެވެ.
މިކޯހުގެ އިންސްޓްރަކްޓަރެއްގެ ގޮތުގައި ކިޔަވައި ދެއްވައިފައިވަނީ ސާރބިއާގެ ކޯޗެއް ކަމުގައިވާ މިލާން ކޮތަރެކްއެވެ.