ދުނިޔޭގެ ކަނޑުތަކުގެ ދުވަސް ފާހަގަކުރުމަށް، މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް އިން އިސްނަގައިގެން ކުޑަކުދިންނަށް ކުރިއަށްގެންދިޔަ ޑައިވް ހަރަކާތުގައި ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު ބައިވެރިވެ ވަޑައިގަންނަވައިފި އެވެ.

"ޑިސްކަވާ ޑައިވް" ގެ ނަމުގައި ވިލިމާލޭގައި ކުރިއަށް ގެންދިޔަ މި ހަރަކާތުގައި 46 ކުދިން ވަނީ ބައިވެރިވި އެވެ. މިއީ ޑައިވިންގެ އެކި އެކި ހަރަކާތްތައް ހިންގަމުން އަންނަ ދެ ޑައިވް ސެންޓަރެއް ކަމަށްވާ، "މޫދު ބުޅާ" އަދި "ޑައިވާސް ލޮޖު"ގެ ބޮޑު އެހީތެރިކަމަކާ އެކީގައި ކުރިއަށްގެންދިޔަ އިވެންޓެކެވެ.

މިނިސްޓްރީ އޮފް ފިޝަރީޒް އެންޑް އޯޝަން ރިސޯސަސް އިން އިސްނަގައިގެން ކުރިއަށްގެންދިޔަ މި ހަރަކާތުގައި ކުޅިވަރާއި ހަށިހެޔޮކަމާ ބެހޭ ވަޒީރުގެ އިތުރުން މިނިސްޓަރ އޮފް ފިޝަރީޒް އެންޑް އޯޝަން ރިސޯސަން އަހްމަދު ޝިޔާމް އާއި މިނިސްޓަރ އޮފް ކްލައިމެޓް ޗޭންގް އެންވައިރަމަންޓް އެންޑް އެނަރޖީ، ތާރިގް އިބްރާހިމްގެ އިތުރުން ރީޖަނަން އެއަރޕޯޓްސް ކޮމްޕަނީ ލިމިޓެޑްގެ މެނޭޖިން ޑައިރެކްޓަރ އަޙްމަދު މުބީންވެސް ބައިވެރިވެ ވަޑައިގެންނެވި އެވެ.