ކުޅިވަރުގެ ދާއިރާއިން ޒުވާނުން ކުރިއެރުވުމަށް މިނިސްޓްރީ އޮފް ސްޕޯޓްސް، ފިޓްނަސް އެންޑް ރެކްރިއޭޝަންގެ ދަށުން ކުރާ މަސައްކަތުގެ ތެރެއިން މޯލްޑިވްސް ނެޝަނަލް އިންސްޓިޓިއުޓް އޮފް ސްޕޯޓްސް(އެމްއެންއައިއެސް) އާއި ހޭންޑްބޯލް މޯލްޑިވްސް ގުޅިގެން ހިންގި ހޭންޑްބޯޅަ ކޯޗިން ކޯސް ކާމިޔާބުކަމާއިއެކު ނިންމާލައިފި އެވެ. 

މާރިޗު 23- 29 އަށް ކުރިއަށްގެންދިޔަ ބޭސިކް ހޭންޑްބޯލަ ކޯޗިންގ ކޯސް 31 ބައިވެރިއަކު ފުރިހަމަކުރި އެވެ. އެއީ 10 އަންހެން ބައިވެރިންނާއި، 21 ފިރިހެން ބައިވެރިންނެވެ. 2

7 ދުވަހުގެ މުއްދަތަށް ކުރިއަށް ގެންދިޔަ މިކޯހުގައި ހޭންޑްބޯލް ކޯޗެއްގެ ކިބައިގައި ހުންނަންޖެހޭ އަސާސީ ކަންކަމަށް ބައިވެރިން ތަމްރީން ކުރެވުނެވެ. އަދި ކުޅިވަރުގެ އަސާސީ ކަންކަމަށާއި އަޚްލާގް ދެމެހެއްޓުމަށް ތަމްރީންތަކުގައި އިސްކަންދެވިފައިވެއެވެ. މިކޯހުގެ އިންސްޓްރަކްޓަރުންގެ ގޮތުގައި ކިޔަވައި ދެއްވީ ހޭންޑްބޯލް ކޯޗިންގެ ތަޖުރިބާކާރު ކޯޗުން ކަމުގައިވާ އިބްރާހިމް ހައިޝަމް އަބްދުﷲ އާއި އަލީ ރުޒަމް އެވެ.

އިއްޔެ ނިމުނު ކޯހުގެ މަޤްސަދަކީ ހޭންޑްބޯލް ކުރިއެރުވުމަށް ކޯޗުން އުފައްދައި، މަދަރުސީ ދައުރުން ފެށިގެން މިކުޅިވަރަށް ކުދިން އަހުލުވެރި ކުރުވާނެ ކޯޗުން ތަމްރީން ކުރުމެވެ.