ހަބަރު

ޤައުމީ އަންހެން ވޮލީބޯޅަ ޓީމު އިޢުލާން ކުރުމަށް ބޭއްވި ރަސްމިއްޔާތު މިނިސްޓަރ ޝަރަފްވެރިކޮށްދެއްވައިފި

26 ޖޫން 2024

ޑިޕާޓްމެންޓު:
ޕަބްލިކް ރިލޭޝަން ޔުނިޓް
ސީނިއަރ އަދި ޖޫނިއަރ އަންހެން ޤައުމީ ވޮލީބޯޅަ ޓީމު އިޢުލާން ކުރުމަށް ބޭއްވި ރަސްމިއްޔާތު ޝަރަފްވެރިކޮށްދެއްވައި، ގައުމީ ޓީމަސ ކުޅިވަރާއި ހަށިހެޔޮކަމާއި ބެހޭ ވަޒީރު ޢަބްދުﷲ ރާފިޢު ހިތްވަރުދެއްވައިފި އެވެ.
މި ރަސްމިއްޔާތުގައި ކުޅިވަރާއި ބެހޭ ވަޒީރު ޢަބްދުﷲ ރާފިޢުގެ އިތުރުން ކޮމިޝަނަރ އޮފް ސްޕޯޓްސް މުޙައްމަދު ޠަލާލް އާއި ކުޅިވަރު ވުޒާރާގެ ސްޓޭޓް މިިނިސްޓަރުންނާއި ވޮލީބޯޅަ އެސޯސިއޭޝަންގެ އިސްވެރިން ބައިވެރިވެވަޑައިގެންވި އެވެ.
އިމާދުއްދީން ސްކޫލްގައި ބޭއްވި މި ރަސްމިއްޔާތުގައި ސީނިއަރ އަދި ޖޫނިއަރ ޤައުމީ އަންހެން ވޮލީބޯޅަ ޓީމަށް ހޮވުނުކަމުގެ ސެޓްފިކެޓް އެ ކުޅުންތެރިންނަށް ހަވާލުކޮށްދެއްވީ ކުޅިވަރާއި ބެހޭ ވަޒީރު ޢަބްދުﷲ ރާފިޢު ގެ އިތުރުން ކޮމިޝަނަރ އޮފް ސްޕޯޓްސް މުޙައްމަދު ޠަލާލް އެވެ.
މިނިސްޓަރ ރާފިޢު ވަނީ ކުރިއަށް ހުރި މުބާރާތްތަކަށް ރަނގަޅަށް ތައްޔާރުވެ، ގައުމު ފަޚުރުވެރިވާ ނަތީޖާތަކެއް ހޯދުމަށް ޓީމަށް ހިތްވަރުދެއްވާފަ އެވެ.
ސީނިއަރ އަންހެން ވޮލީ ޓީމުން މި އަހަރު ބައިނަލްއަގުވާމީ ދެ މުބާރާތެއްގައި ވާދަކުރާނެ އެވެ. އަދި ޖޫނިއަރ ޓީމު ތައްޔާރުވަމުން އަންނަނީ ޖުލައި މަހު މާލޭގައި ބާއްވަން ތައްޔާރުވާ 20 އަހަރުން ދަށުގެ ވޮލީބޯލް ޗެމްޕިއަންޝިޕަށެވެ.