އަލިފުށި ދާއިރާގެ މެންބަރު ޢަބްދުއްލަޠީފް ޢަބްދުއްރަޙްމާން އާ ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު ބައްދަލުކުރައްވައިފި އެވެ.

ކުޅިވަރު ވުޒާރާގައި އޮތް ބައްދަލުވުމުގައި މިނިސްޓަރ ރާފިޢު ވަނީ އަލިފުށި ދާއިރާގެ ރަށްތަކުގައި މިހާރު ކުރިއަށްދާ ކުޅިވަރު މަޝްރޫޢުތަކުގެ ތަފްސީލް ދެއްވާފަ އެވެ. އަދި މީގެ އިތުރުން އެ މަޝްރޫޢުތައް ނުހުއްޓި ކުރިއަށްގެންދެވޭނެ ގޮތްތަކާ ގުޅޭގޮތުންވެސް މަޝްވަރާކުރެވުނެވެ.

މި ބައްދަލުވުމުގައި މެންބަރު ޢަބްދުއްލަޠީފް ޢަބްދުއްރަޙްމާން ވަނީ އަލިފުށި ދާއިރާގައި ހިމެނޭ ހަތަރު ރަށްކަމަށްވާ، ރ. އަލިފުށި، ރ. ރަސްގެތީމު، ރ. އަނގޮޅިތީމު އަދި ރ. ވާދޫގެ ރައްޔިތުންނަށް ބޭނުންވާ ކުޅިވަރު ވަސީލަތްތަކުގެ ތަފްސީލް ހިއްސާކުރައްވާފަ އެވެ. އަދި އެ ރަށްތަކަށް އަންނަ އަހަރުގެ ބަޖެޓުގައި ހިމަނައިގެން ކުރިއަށްގެންދެވޭނެ ކަންކަމާ ގުޅޭގޮތުން މަޝްވަރާކުރެވުނެވެ.