އާބާތުރަ ފިލިވުމަށް ފަހު މާލޭ ޓޭބަލް ޓެނިސް ހޯލު އަލުން ހުޅުވައިފި އެވެ.

މާލޭ ޓީޓީ ހޯލު އަލުން ހުޅުވައިދެއްވީ ކޮމިޝަނަރ އޮފް ސްޕޯޓްސް މުޙައްމަދު ތަލާލް އެވެ.

ގިނަ މަރާމާތުތަކެއް ބޭނުންވެފައި އޮތް ޓޭބަލް ޓެނިސް ހޯލު އަލުން ހުޅުވިއިރު، އެތަނުގެ ފްލޯރިން ރަނގަޅުކޮށް، ފުރާޅާއި އޭސީތައްވެސް ވަނީ މަރާމާތުކޮށްފަ އެވެ.

މިވަގުތު ރާއްޖޭގައި ގާއިމްކޮށްފައިވާ ކުޅިވަރު ކުޅޭ ތަންތަނުގެ އާބާތުރަ ފިލުވައި އެތަންތަން ބޭނުންކުރެވޭ ފެންވަރަށް ގެނައުމަކީ ސަރުކާރުގެ ކުޅިވަރު ވައުދުތަކުގެ ތެރޭގައި ހިމެނޭ މުހިންމު ވައުދެކެވެ.