ކޮމަންވެލްތު އޮފް ލާރނިންގ، ކޯސެރާ ވޯކްފޯސް ރިކަވަރީ އިނީޝިއޭޓީވްގެ ދަށުން ކުރިޔަށް ގެންދާ ކޯސްތަކުގައި ބައިވެރިވުމަށް ރާއްޖެއިން ހޮވުނު 50 ބޭފުޅުންގެ ނަން ހާމަކޮށްފިއެވެ. މި ކޯސްތަކަށް ކުރިމަތިލުމަށް ހުޅުވާލުމާއެކު 62 ބޭފުޅަކު ވަނީ ކުރިމަތިލައްވާފައެވެ. މިނިސްޓަރ އަޙްމަދު މަޙްލޫފް ވަނީ މިފަދަ ފުރުސަތެއް ރާއްޖޭގެ ޒުވާނުންނަށް ދެއްވުމާއި ގުޅިގެން ކޮމަންވެލްތު އޮފް ލާރނިންގއަށް ޝުކުރު އަދާކުރައްވާފައެވެ. މި ކޯސްތަކަށް ހޮވުނު ފަރާތްތަކަށް ކޯސްތަކުގައި ބައިވެރިވުމަށް ބޭނުންވާ އިންޓަނެޓްގެ ޚިދުމަތް މިނިސްޓްރީއިން ދިނުމަށް ވަނީ ނިންމާފައެވެ.