4 ރަށެއްގައި ފްލޯޓިންގ ސްވިމިންގ ޕްލެޓްފޯމް ޤާއިމްކުރުމުގެ މަސައްކަތް ކުރުމަށް ސްވިމިންގ އެސޯސިއޭޝަން އޮފް މޯލްޑިވްސް އާއި ހަވާލުކޮށްފިއެވެ.

ޔޫތު މިނިސްޓްރީން ފްލޯޓިންގ ސްވިމިންގ ޕްލެޓްފޯމް ޤާއިމްކުުރުމަށް ސްވިމިންގ އެސޯސިއޭޝަނާއި ހަވާލުކުރި ރަށްތަކަކީ، ހއ.ހޯރަފުއްޓާއި، ހދ.ހަނިމާދޫއާއި ގއ.ވިލިނގިލީގެ އިތުރުން އައްޑޫ ސިޓީ މަރަދޫފޭދޫގައެވެ.

މިމަޝްރޫޢުތައް ޙަވާލުކުރުމަށް ބޭއްވި ރަސްމިއްޔާތުގައި މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރ މުޙައްމަދު ނާސިޙް ރަޝީދެވެ. އަދި ސުވިމިން އެސޯސިއޭޝަންގެ ފަރާތުން ސޮއިކުރެއްވީ އެސޯސިއޭޝަންގެ ނައިބު ރައީސް އިސްމާޢީލް ޢަލީއެވެ.

މި މަސައްކަތުގެ ދަށުން ހއ.ހޯރަފުށި އަދި ހދ.ހަނިމާދޫގައި ސްވިމިންގ ޕްލެޓްފޯމް ޤާއިމްކުރުމަށް ސްވިމިންގ އެސޯސިއޭޝަނާއި ހަވާލުކުރީ 1،032،624.09 މިލިއަން ރުފިޔާއަށެވެ. އަދި ގއ.ވިލިނގިލީގައި ސްވިމިންގ ޕްލެޓްފޯމް ޤާއިމްކުރުމަށް 1،047،624.66 މިލިއަން ރުފިޔާ ކަނޑައަޅާފައިވާއިރު، އައްޑޫ ސިޓީ މަރަދޫފޭދޫގައި ޤާއިމްކުރާ ސްވިމިންގ ޕްލެޓްފޯމްގެ އަގަކީ 1،072،624.19 މިލިއަން ރުފިޔާއެވެ.

މި މަސައްކަތް ސްވިމިން އެސޯސިއޭޝަނާއި ޙަވާލުކޮށްފައިވަނީ މަސައްކަތުގެ ފައިސާ އެސޯސިއޭޝަނަށް ލިބޭ ދުވަހުން ފެށިގެން 75 ދުވަހުގެ ތެރޭގައި ނިންމާގޮތަށެވެ.