2 ރަށެއްގައި ކުޅިވަރު ވަސީލަތްތައް ޤާއިމްކުރުމަށް ކޮންޓްރެކްޓަރުންނާއެކު ސައިކޮށްފިއެވެ.

ކުޅިވަރު ވަސީލަތްތައް ޤާއިމްކުރުމަށް ޔޫތް މިނިސްޓްރީން ކޮންޓްރެކްޓަރުންނާއެކު ސޮއިކުރި 2 ރަށަކީ ހއ.އުތީމު އަދި ހދ. މަކުނުދޫއެވެ.

އެގޮތުން ހއ.އުތީމުގެ ފުޓްބޯޅަ ދަނޑުގެ ސަބްބޭސް ޤާއިމްކުރުމަށް އާރްކޭއެލް ގްރޫޕް ޕްރައިވެޓް ލިމިޓެޑް އާއެކު ވަނީ ސޮއިކުރެވިފައެވެ. އާރްކޭއެލް އާއި މި މަސައްކަތް ހަވާލުކުރީ 2،331،023.89 މިލިއަން ރުފިޔާ އަށް، 60 ދުވަހުގެ ތެރޭގައި މަސައްކަތް ނިންމަންޖެހޭ ގޮތަށެވެ.

މި އެއްބަސްވުމުގައި ޔޫތް މިނިސްޓްރީގެ ފަރާތުން ސޮއިކުރެއްވީ، ސީނިއަރ އެގްޒެކްޓިވް ޑިރެކްޓަރ ޠޫބާ ރަޝީދުއެވެ. އާރްކޭއެލް ގްރޫޕްގެ ފަރާތުން އެއްބަސްވުމުގައި ސޮއިކުރެއްވީ މެނޭޖިންގ ޑިރެކްޓަރ ހުޒައިމާ އާސިރުއެވެ.

މީގެ އިތުރުން ހދ.މަކުނުދޫގައި ހޭންޑްބޯލް ކޯޓެއް ޤާއިމްކުރުމަށް ސިލްވަރ މެރިން ޕްރައިވެޓް ލިމިޓެޑް އާއެކުވެސް ވަނީ ސޮއިކުރެވިފައެވެ. ސިލްވަރ މެރިން އާއި މި މަސައްކަތް ހަވާލުކުރީ 1،450،001.56 މިލިއަން ރުފިޔާ އަށް، 48 ދުވަހުގެ ތެރޭގައި މަސައްކަތް ނިންމަން ޖެހޭ ގޮތަށެވެ.

މި އެއްބަސްވުމުގައި ޔޫތް މިނިސްޓްރީގެ ފަރާތުން ސޮއިކުރެއްވީ، ސީނިއަރ އެގްޒެކްޓިވް ޑިރެކްޓަރ ޠޫބާ ރަޝީދުއެވެ. ސިލްވަރ މެރިންގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ ޢަބްދުލް ފައްތާހް މުޙައްމަދުއެވެ.