އެފްއޭއެމް 19 އަހަރުން ދަށުގެ ޔޫތު ޗެމްޕިއަންޝިޕްގެ ފައިނަލް މެޗު, ކުޅިވަރާއި ހަށިހެޔޮކަމާއި ބެހޭ ވަޒީރު ޢަބްދުﷲ ރާފިޢު ޝަރަފްވެރިކޮށްދެއްވައިފި އެވެ.

ފައިނަލް މެޗު ބައްލަވާލެއްވުމަށް މިނިސްޓަރގެ އަރިހުގައި އޮލިމްޕިކް ކޮމިޓީގެ ރައީސް މުހައްމަދު އަބްދުއްސައްތާރުގެ އިތުރުން ކުޅިވަރާއި ބެހޭ ވުޒާރާގެ އިސްވެރިން އަދި މޯލްޑިވްސް އޮލިމްޕިކް ކޮމިޓީގެ އިސްވެރިންވެސް ބައިވެރިވެ ވަޑައިގެންނެވި އެވެ.

ފައިނަލް މެޗުގައި ވާދަކުރީ ސުޕަރ ޔުނައިޓެޑް ސްޕޯޓްސް އާއި ޓީސީ ސްޕޯޓްސް ކްލަބް އެވެ. މި މެޗު ޕެނަލްޓީ ޖަހައިގެން 5-4 ގެ ނަތީޖާއަކުން ކާމިޔާބުކުރީ ޓީސީ ސްޕޯޓްސް ކްލަބް އެވެ.

ފައިނަލް މެޗަށް ފަހު މުބާރާތުގެ އެކި މަޤާމްތަކަށް ހޮވުނު ކުޅުންތެރިންނާއި ޗެމްޕިއަން ޓީމަށް މެޑަލް އާ ޓްރޮފީ ހަވާލުކޮށްދެއްވީ މިނިސްޓަރ ޢަބްދުﷲ ރާފިޢު އެވެ.